mércores, 3 de maio de 2017

Xeada destructiva

A semana do 25 de Abril houbo varios días de bastante frío e produciuse unha xeada bastante destructiva. Afectoulle a toda a plantación de paulownias e basicamente queimou todas as follas e pólas. Ademais tamén lle afectou a outras árbores, vides, e incluso queimou os fieitos. Non foi só aquí senón que en toda Galicia houbo unhas perdas históricas no sector do viño. Vin a desfeita xusto cando ía sacar unhas fotos para que se vira o bonita que estaba a plantación, e volver volvín con fotos, pero non as que me gustaría ter tirado.

A continuación algunhas fotos das paulownias:

Foto da plantación mirando cara ao leste.

Outra vista da plantación.

Outra máis.

Estado da paulownia de seguimento B.

Detalle da paulownia de seguimento B.

Estado dos brotes da paulownia que rompeu en Febreiro ao cairlle enriba a copa dun piñeiro.


A pesar do estado lamentable da plantación aínda houbo algunhas paulownias que conservaron algunhas das súas follas ou pólas:

Sobreviviu un pequeno brote xusto na base.

Pequena póla aínda verde.

Na fila que queda cara o leste varias paulownias conservaron brotes verdes.

Paulownia na que sobreviviu un brote baixo.


O ano pasado tamén viñera unha xeada xusto a comezos de Abril e estragou a paulownias recén plantadas, así que sabendo que son capaces de rexenerarse conto con que volvan brotar.

Ningún comentario:

Publicar un comentario