Reducindo o número de taras

A plantación segue o seu curso, e ata parece que coas últimas chuvias esas paulownias que non tiñan boa pinta ou ían morrer están revivindo agora. Supoño que a relativa calor (temperaturas máximas achegándose aos 20 graos e con días puntuais que as superaron) tamén axudaron.

Esta tiña un brote que parecía estar morrendo, pero parece que brota desde o chan agora (27 de maio).

Vista do brote (27 de maio).

Así estaba (22 de maio).

Esta outra que parecía que tiña un brote no chan confirmouno, e ademais botou múltiples brotes desde os troncos (27 de maio).

Estaba dubidosa non hai moito (22 de maio).

Así é como estaba antes de pasar o que pasara (8 de maio).

Había outra paulownia que case parecía unha tara segura, polo que hoxe fun adquirir dúas paulownias adicionais (plantas de raíz de 2 anos) que o certo é que teñen un aspecto magnífico e que plantei hoxe en buratos de 45x45x45 cm noutra leira próxima. Aínda que a idea era substituír cando menos esta tara que case seguro que está morta:

Parecía morta (foto do 22 de maio). Teño que buscala e botarlle outro ollo por se acaso revive.

A ver se un destes días poño fotos desas novas dúas paulownias, que hoxe esquecín tirarlle unhas fotos.

Mentres tanto agardamos chuvias para os próximos días e despois as temperaturas poden que sobrepasen os 25 graos durante algúns días seguidos.

Algunha tara, pero estamos en marcha

É definitivo, as paulownias están rebrotando. Na anterior inspección tiven dúbidas con tres ou catro (quizais ata seis) das 140 que se plantaron. Hoxe xa son unha ou dúas taras nada máis, o que suporía un éxito superior ao 98,5% na plantación.

Durante esta última semana remexeuse a terra ao pé das paulownias (en realidade en sete dos nove regos) para evitar que medren herbas, fieitos, toxos, silvas e para retirar anacos de madeira e cañotas que quedaron detrás na plantación.

Espero conseguir algunha paulownia nova para repoñer as taras pronto, e a principios do mes que vén conto de botarlles algo de abono e remexerlle a terra ás paulownias ás que aínda non se lles fixo. Continuarei documentando os novos sucesos a medida que ocorran.

Así é como está agora mesmo a paulownia máis grande:

Ten un aspecto magnífico. Vese a terra remexida (22 de maio)

Desde outro ángulo (22 de maio)

Así estaba ao pouco de empezar a rebrotar (8 de maio)

Pero aínda que a maioría teñen boa pinta aínda hai algunhas que están comezando a brotar (aínda que a semana pasada parecían mortas):

Primeiros brotes.

Esta tamén parecía morta a semana pasada.

Esta aínda está dubidosa.

Aínda que iso parece un brote na base. Teño esperanzas.

Así é como estaba o 8 de maio esta mesma paulownia. Quizais se lle remexeu a terra demasiado preto...

Case apostaría a que esta está morta. Iso verde é un fieito que medraba preto e ao que lle rompín a punta. Esta paulownia sería a única tara polo de agora.

Esta ten un brote, aínda que parece que está secando. Sería a outra única dúbida agora mesmo xunto coa anterior. Esta conto con que quizais non sobreviva.

Esta non mellorou moito.

Esta tamén está botando agora os primeiros brotes.

Outra que está na mesma situación.

A continuación fotos das paulownias que mellor aspecto teñen, é dicir, paulownias frondosas con follas vizosas e grandes, desas que da gusto ver:

Esta aínda non ten follas do tamaño da miña man. Pero xa chegará.

A paulownia que está entre as penas ten moi bo aspecto.

Algunhas das súas follas xa teñen o tamaño da miña man.

Esta folla xa é un chisco máis grande que a miña man. A ver se chegan a medir medio metro.

Algunhas das paulownias pequenas xa están frondosas.

E as grandes tamén.

Desde outro ángulo.

Por último unha foto duns defectos que vin nas follas dunha das paulownias. Son como pequenas depresións ou deformacións na folla:

Pequena depresión na folla.

Quizais se vexa mellor nesta foto.

As paulownias rebrotan

Parece que durante as últimas semanas a gran maioría das paulownias están rebrotando. A semana pasada fixen unha inspección e só tiven dúbidas con tres ou catro das 140 que se plantaron.

Así é como está agora mesmo a paulownia máis grande:

A paulownia máis grande volveu rebrotar (8 de maio)

A mesma paulownia a semana pasada (30 de abril). Só sobreviviu unha folla e vense multitude de brotes

Así estaba ao pouco de queimarse (3 de abril)

Esa mesma paulownia (28 de marzo) pouco despois da plantación (25 e 26 de marzo).

Aínda non se recuperou ata volver estar como estaba, pero vai polo bo camiño. Algunhas das outras paulownias teñen agora máis follas que antes xa que non tiñan máis que pequenos brotes no momento da plantación, pero as que tiñan follas aínda teñen menos das que tiñan no momento da plantación. Máis fotos de outras paulownias rebrotando, todas de hoxe:

Pequenos brotes na base

Outra paulownia rebrotando

Esta paulownia ten uns brotes case invisibles no pé

Volve ter case os mesmos brotes que antes

Esta ten uns brotes máis grandes que a propia paulownia ao plantala

Brotes fortes na base

Esta paulownia ten brotes moi pequenos no chan

Esta paulownia parecía que hai semanas estaba morta. E reviviu

Paulownias con brotes na base, a media altura e na punta

Esta é unha das que mellor pinta ten. A folla amarela e rota é unha das follas que tiña antes de queimarse

A paulownia anterior, protexida por unhas penas de medio metro de altura ao norte, oeste e leste

Esta semana pasada chegou a facer 29 graos durante o día, aínda que as temperaturas volveron a baixar e empezou a chover. As mínimas seguen roldando os 7-10 graos. De aquí ao verán non se agardan grandes baixadas de temperatura, aínda que tampouco se contan con temperaturas tan altas.

Unha cousa na que me fixei é que as paulownias teñen as folas alongadas, en vez de redondas como cando se plantaron.

As follas son alongadas, non redondeadas

Como curiosidade os brotes da paulownia non son verdes nin brancos ou amarelos, senón negros, o que a veces dificulta velos:

Esta foto é de hai unha semana (30 de abril). Vense dous brotes negros